- Home
- Attractions
Attractions
ບໍລິສັດພວກເຮົາຍິນດີບໍລິການນັກທ່ອງທ່ຽວດ້ວຍຄວາມພູມໃຈ ຄົບຊຸດການທ່ອງທ່ຽວ, ວ່ອງໄວ, ປອດໄພ, ລາຄາໂປ່ງໃສ ແລະ ເຊື່ອຖືໄດ້
ນະຄອນຫຼວງວຽງຈັນ
Photo Gallery
ພຣະທາດຫຼວງວຽງຈັນ:
- ພຣະທາດຫຼວງວຽງຈັນ ປະກາຍສີທອງຄຳອັນຮຸ່ງເຮືອງ ຕັ້ງຢູ່ເຂດບ້ານ ທາດຫຼວງ, ເມືອງ ໄຊເສດຖາ ນະຄອນຫລວງວຽງຈັນ, ມີອາຍຸຫລາຍກວ່າ 2,000ປີ
- ພຣະທາດຫຼວງວຽງຈັນ ມີຄວາມສູງເຖິງ 45ແມັດ, ມີໃບສິມມາອ້ອມ 228ໃບ, ມີບໍລິວານ(ທາດນ້ອຍ)ຕັ້ງອ້ອມຮອບ 30ອົງ, ຕີນພຣະທາດທິດຕາເວັນອອກ-ຕົກ ຍາວ 69ແມັດ, ແຕ່ດ້ານເໜືອ-ໃຕ້ ຍາວ 68ແມັດ ແລະ ມີກົມມະລຽນດ້ານນອກອອ້ມພຣະທາດຫລວງ ແຕ່ລະດ້ານຍາວ 91,75ແມັດ.
ສະຖານທີ່ທ່ອງທ່ຽວສຳຄັນ
-
ເປັນປູຊະນິຍະສະຖານບູຮານອັນເປັນສັນຍາລັກຂອງປະເທດລາວ
- ເປັນພຣະທາດໂລກະຈຸນລະມະນີ ທີ່ບັນຈຸພຣະສາລິກະທາດຂອງພຣະພຸດທະເຈົ້າ
- ເປັນສູນລວມແຫ່ງຈິດວິນຍານຂອງປວງຊົນລາວທັງຊາດ
- ເປັນພະທາດທີ່ສວາຍງາມ ສູງສະຫງ່າ ໂດດເດັ່ນເປັນເອກະລັກຂອງລາວ.
- ເປັນພຣະທາດທີ່ມີການສະເຫລີມສະຫລອງບຸນນະມັດສະການໃນມື້ວັນເພັງເດືອນສິບສອງຂອງທຸກໆປີ, ທີ່ເປັນບຸນໃຫຍ່ໂຕມະໂຫລານທີ່ສຸດຂອງລາວຈັດຂຶ້ນເປັນເວລາ 7ມື້ 7ຄືນຕິດຕໍ່ກັນ, ຈະມີປະຊາຊົນລາວຈາກທຸກສາລະທິດເດີນທາງເຂົ້າມາຮ່ວມສະເຫລີມສະຫລອງບຸນດັ່ງກ່າວ.
- ໃນການສະເຫລີມສະຫລອງບຸນດັ່ງກ່າວຈະປະກອບມີຫລາກຫລາຍກິດຈະກຳຕະຫລອດງານ.
Photo Gallery
ປະຕູໄຊ:
ປະຕູໄຊຕັ້ງສູງສະຫງ່າຢູ່ໃຈກາງເມືອງນະຄອນຫລວງວຽງຈັນສູງເຖິງ 49ແມັດ, ເຊິ່ງມີທາງເຂົ້າ 4ດ້ານ, ທີ່ບົ່ງບອກເຖິງຄວາມຮຸ່ງເຮືອງ, ເຖິງໄຊຊະນະ ແລະ ຄວາມກ້າຫານຂອງຄົນລາວ, ມີຄວາມເຊື່ອໝັ້ນ, ໝັ້ນຄົງ ແລະ ເພື່ອເປັນອານຸສອນໃຫ້ແກ່ການປະກາດເອກະລາດຂອງ ສປປລາວ ອອກຈາກແອກປົກຄອງຂອງລ່າເມືອງຂຶ້ນຝຣັ່ງ. ໄດ້ຖືກສ້າງຕັ້ງຂຶ້ນລະຫວ່າງປີ ຄສ 1957-1962.
ຄວາມໝາຍການທ່ອງທ່ຽວສຳຄັນ
- ປະຕູໄຊ ສ້າງຕາມສັດສ່ວນເລກຕຳລາອັນສຳຄັນຂອງຊາວພຸດ ຄື: 3-7-9 ເປັນສູນລວມພະລັງສັດທາຂອງຜູ້ເຂົ້າມາທ່ຽວຊົມ.
- ດ້ານເທິງຂອງປະຕູໄຊມີຮູບຮ່າງລັກສະນະຄ້າຄືກັບຜາສາດ ແລະ ດ້ານໃນຖືກປະດັບດ້ວຍສິນລະປະລວດລາຍອັນເປັນເອກະລັກຂອງລາວ ມີສີສັນງົດງາມ ລວມທັງຮູບປັ້ນນາງກິນນາລີ.
- ນັກທ່ອງທ່ຽວ ທີ່ມາທ່ຽວຊົມ ສາມາດຂຶ້ນໄປເຖິງຈຸດສູງສຸດຂອງປະຕູໄຊໄດ້ ເພື່ອຊົມທິວທັດອັນສວຍງາມຂອງຕົວເມືອງນະຄອນຫລວງວຽງຈັນໄດ້ທຸກທິດທາງ.
- ບໍລິເວນດ້ານລຸ່ມເປັນເດີນກວ້າງ ມີອ່າງນ້ຳພຸ, ດອກໄມ້ຫລາຍສະນິດ ຫລາຍແນວພັນ ພ້ອມມີເດີ່ນຍ່າງອັນກວ້າງຂວາງ.
- ປະຕູໄຊ ເປັນທີ່ນິຍົມຂອງນັກທ່ອງທ່ຽວທັງພາຍໃນ ແລະຕ່າງປະເທດຕ້ອງການມາທ່ຽວຊົມ ເພື່ອຖ່າຍຮູບໄວ້ເປັນທີ່ລະນຶກ ອັນບົ່ງບອກເຖິງ ໄດ້ມາທ່ຽວເມືອງລາວແລ້ວໂດຍລວມ ໂດຍສະເພາະແມ່ນນະຄອນຫລວງວຽງຈັນ.
- ຫລື ປະຕູໄຊ ເປັນສະຖານທີ່ທ່ອງທ່ຽວໜຶ່ງ ທີ່ລືຊື່ໃນນະຄອນຫລວງວຽງຈັນ ກໍ່ຄືປະເທດລາວ.
Photo Gallery
ຫໍພະແກ້ວ:
ເປັນສະຖານທີ່ນຶ່ງທີ່ສຳຄັນຂອງປະເທດລາວ, ຕັ້ງຢູ່ຖະໜົນເສດຖາທິຣາດ, ເມືອງຈັນທະບູລີ ນະຄອນຫລວງວຽງຈັນ, ສ້າງຕັ້ງຂຶ້ນໃນປີ ຄ.ສ 1565 ຜູ້ນຳພາສ້າງຕັ້ງແມ່ນ ກະສັດພະເຈົ້າໄຊຍະເຊດຖາທິຣາຊ ເພື່ອເປັນບ່ອນປະດິດສະຖານ ອົງພຣະແກ້ວມໍລະກົດ ທີ່ໄດ້ຍົກຍ້າຍມາຈາກ ນະຄອນຫລວງຂອງປະເທດລາວລ້ານຊ້າງຈາກເມືອງຊຽງດົງຊຽງທອງ(ຫລວງພະບາງ ໃນປະຈຸບັນ) ລົງມາກຳນົດເອົາ ເມືອງວຽງຈັນເປັນເມືອງຫລວງຂອງປະເທດແຫ່ງໃໝ່ ແຕ່ ປີ ຄ.ສ 1560 ຈົນເຖິງປະຈຸບັນ.
ສະຖານທີ່ທ່ອງທ່ຽວສຳຄັນ
- ຫໍພະແກ້ວ ເປັນບ່ອນປະດິດສະຖານຂອງ ພຣະແກ້ວມໍຣະກົດໃນເມື່ອກ່ອນ, ແຕ່ປະຈຸບັນຈະບໍ່ມີພຣະແກ້ວມໍຣະກົດແລ້ວ ເນື່ອງຈາກເຫດການທາງປະຫວັດສາດທີ່ຜ່ານມາ.
- ປະຈຸບັນ ຫໍພະແກ້ວ ຍັງຄົງເປັນທີ່ສັກກະລະບູຊາຂອງຊາວລາວ ຍ້ອນເປັນແຫລ່ງລວບລວມວັດຖຸບູຮານອັນສຳຄັນ ແລະ ລ້ຳຄ່າ ເປັນຕົ້ນແມ່ນ ພະພຸດທະຮູບປາງຕ່າງໆ ທີ່ຫລໍ່ຈາກທອງແດງ, ສີລາຈາລຶກ ແລະ ອື່ນໆ
- ເມື່ອຍ່າງເລາະຊົມບໍລິເວນພາຍໃນສະຖາປັດຕະຍະກຳອັນສວຍງາມນີ້ ທ່ານ ຈະຮູ້ສຶກໄດ້ເຖິງຄວາມສະຫງົບຮົ່ມເຢັນທີ່ແຕກຕ່າງຈາກບ່ອນອື່ນໆ.
- ພາຍໃນບໍລິເວນຫໍພະແກ້ວ ຈະເຕັມໄປດ້ວຍພະພຸດທະຮູບອັນເກົ່າແກ່ຫລາຍອົງ ແລະ ດ້ານຫລັງ ຈະມີ ຫີນສີລາ, ເຄື່ອງໃຊ້ພາຍໃນເຮືອນ ແລະ ເຄື່ອງແກະສະຫລັກຕ່າງໆ ຂອງຄົນລາວສະໄໝກ່ອນທີ່ຈັດວາງໄວ້.
Photo Gallery
ຫໍພິພິຕະພັນສິນລະປະລາວ (Lao art museum) :
ເປັນສະຖານທີ່ຕັ້ງຂຶ້ນໃໝ່ແຫ່ງໜຶ່ງທີ່ບ້ານໂນນສະອາດ, ນະຄອນຫລວງວຽງຈັນ ທີ່ມີຄວາມສວຍງາມອະລັງການ
ສະຖານທີ່ທ່ອງທ່ຽວສຳຄັນ
- ເສັ້ນທາງໄປຮອດສະດວກສະບາຍ ເຊິ່ງມີຄວາມອາລັງການ, ການແກະສະຫລັກ ແລະ ລາຍລະອຽດຕ່າງໆ ສິນລະປະຂອງລາວອັນຫລາກຫລາຍທີ່ງົດງາມ
- ບັນຍາກາດສົດຊື່ນເມື່ອໄດ້ໄປຊົມໄປທ່ຽວຊົມ
ວັງວຽງ
Photo Gallery
ເມືອງວັງວຽງ
- ເປັນສະຖານທີ່ນຶ່ງທີ່ເຕັມໄປດ້ວຍບ່ອນທ່ອງທ່ຽວທີ່ສຳຄັນຫລາຍຢ່າງ, ທີ່ພັກ, ຮ້ານອາຫານ ຫລາຍລະດັບໃຫ້ເລືອກ ແລະ ກິດຈະກໍາສໍາລັບນັກທ່ອງທ່ຽວອັນຫລາກຫລາຍ ພ້ອມທັງວິຖີການດໍາລົງຊີວິດຂອງປະຊາຊົນທ້ອງຖິ່ນ, ຖໍ້າຕ່າງໆຫລາຍບ່ອນ, ພູຜາສູງຊັນ, ເລາະລຽບນ້ຳຊອງ, ບໍ່ນ້ໍາທີ່ອອກມາຈາກຕີນພູເຂົາທີ່ມີສີສັນອັນສວາຍງາມ ແລະ ເປັນທີ່ພັກຜ່ອນ ດຶ່ມດໍາກັບທໍາມະຊາດທີ່ສົດໃສ.
- ແພັກເກັດທ່ຽວຊົມ: ອອກຈາກນະຄອນຫລວງວຽງຈັນ ສາມາດໄປ - ກັບໄດ້ ໃນ1ວັນ, ຖ້າຈະໃຫ້ດີແມ່ນ 2ວັນ 1ຄືນ. ຫລືຈະເດີນທາງດ້ວຍລົດໄຟຄວາມໄວສູງກໍ່ໄດ້
ສະຖານທີ່ທ່ອງທ່ຽວສຳຄັນ
- ທ່ຽວຊົມຖໍ້າຕ່າງໆຫລາຍບ່ອນເຊັ່ນ: ຖໍ້າຈັງ, ຖໍ້ານາງຟ້າ, ຖໍ້າປູຄໍາ...
- ເລາະແມ່ນໍ້າຊອງ: ເຕັມໄປດ້ວຍຮ້ານອາຫານ, ລ່ອງເຮືອ ຫລື ລ່ອງແກ້ງ ແລະ ກິດຈະກໍາອື່ນໆໃຫ້ນັກທ່ອງທ່ຽວເລືອກຫລາຍຢ່າງເຊັ່ນ: Vang Vieng Walking Street, Yingxiang flying & Buggy car, ຊິບລາຍ, Blue Lagoon1,2,3-6, ບອນລູນຮ້ອນ(Amazing Vang Vieng Paramotor and Hot Air Balloon), ຜາໜາມໄຊວິວ…
ເມືອງເຟືອງ
Photo Gallery
ເມືອງເຟືອງ
ເປັນສະຖານທີ່ທ່ອງທ່ຽວທີ່ນິຍົມຂອງນັກທ່ອງທ່ຽວທົ່ວໄປ, ມີທີ່ພັກເຮືອແພ, ຮ້ານອາຫານ, ລ່ອງເຮືອ, ໃສ່ບາດຍາມເຊົ້າຢູ່ເຮືອນແພ ແລະ ອື່ນໆ ເລາະລຽບຕາມແຄມນ້ຳລີກ ບໍ່ໄກຫລາຍອອກຈາກນະຄອນຫລວງວຽງຈັນ ສາມາດໄປທ່ອງທ່ຽວ ໄປ-ກັບ ພາຍໃນ1ວັນ ຫລື ຈະໃຫ້ດີແມ່ນ 2ວັນ 1ຄືນ.
ສະຖານທີ່ທ່ອງທ່ຽວສຳຄັນ
- ພັກເຊົາໃນເຮືອນແພລຽບຕາມແຄມແມ່ນໍ້າລີກ, ຮັບປະທານອາຫານ ແລະ ເຄື່ອງດຶ່ມ ຕາມສັ່ງອັນຫລາກຫລາຍຢ່າງໃຫ້ເລືອກ
- ລ່ອງເຮືອ, ມີເຊົ່າພາຍເຮືອຄາຢັກ ເລາະຕາມແມ່ນນໍ້າລີກ
- ໃສ່ບາດຍາມເຊົ້າ ຢູ່ໃນເຮືອນແພ
Photo Gallery
ອ່າງນ້ຳຕົງ
- ເປັນທຳມະຊາດ ບັນຍາກາດຄ້າຍຄືຢູ່ວັງວຽງ ແຕ່ຢູ່ໃນເມືອງເຟືອງ
- ແພັກເກັດໄປທ່ຽວຊົມ: ອອກຈາກນະຄອນຫລວງວຽງຈັນ ໄປ - ກັບ 2ວັນ 1ຄືນ, ເສັ້ນທາງສະດວກ ຂຶ້ນພູເລັກໜ້ອຍ.
ສະຖານທີ່ທ່ອງທ່ຽວສຳຄັນ
- ອ່າງນໍ້າໃຫຍ່ ກ້ວາງຂວາງ ວິວງາມ ເປັນທໍາມະຊາດ
- ທີ່ພັກ ແລະ ຮ້ານອາຫານອັນຫລາກຫລາຍ
- ເວລາເດີນທາງເຂົ້າໄປທ່ອງທ່ຽວຈະໄດ້ຊົມວິວພູຜາທອງ ແລະ ສາມາດແຄ້ມປິງໃນບໍລິເວນຕີນພູຜາທອງໄດ້
Photo Gallery
ວັດສິນໄຊຍາຣາມ
- ວັດທີ່ມີຊື່ສຽງໃນເມືອງເຟືອງ, ຄວາມເປັນທຳມະຊາດ ແລະ ເປັນວັດທີ່ມີຈຸດກາບຂໍພອນຫລາຍທີ່ສຸດ
- ແພັກເກັດໄປທ່ຽວຊົມ: ອອກຈາກນະຄອນຫລວງວຽງຈັນ ໄປ - ກັບ 1ວັນ, ເສັ້ນທາງສະດວກ ຂຶ້ນພູເລັກໜ້ອຍ
ສະຖານທີ່ທ່ອງທ່ຽວສຳຄັນ
- ທາງເດີນຕາມບໍລິເວນພາຍໃນຖະຖານທີ່ວັດ ຈະເຕັມໄປດ້ວຍສະຖານທີ່ກາບໄຫວ້ຂໍພອນອັນສັກສິດທີ່ມີເອກະລັກສະເພາະ ແລະ ແຕກຕ່າງກັນໄປໃນແຕ່ລະຈຸດ ມີຢູ່ປະມານ 15ຈຸດທີ່ໂດດເດັ່ນ
- ສະຖາປັດຕະຍະກໍາ ແລະ ພະພຸດທະຮູບອັນຫລາກຫລາຍ
- ບໍລິເວນວັດລ້ອມຮອບໄປດ້ວຍພູຫີນອັນສູງຊັນ ແລະ ປ່າໄມ້ ຢ່າງງຽບສະຫງົບ
ຫລວງພະບາງ
Photo Gallery
ຫລວງພະບາງ
- ເມືອງມໍລະດົກໂລກ, ມີວັດວາອາຣາມອັນເກົ່າແກ່ ແລະ ຮຸ່ງເຮືອງຫລາຍບ່ອນ, ວັດທະນາທຳອັນເລື່ອງລື, ມີພູສູງງາມຕັ້ງຢູ່ກາງເມືອງ ແລະ ແມ່ນ້ໍາຂອງ, ນ້ໍາຄານໄຫລຜ່ານ ເຊິ່ງເປັນຂວັນໃຈຂອງນັກທ່ອງທ່ຽວທົ່ວທຸກແຫ່ງໃນໂລກຢາກມາທ່ຽວຊົມ
- ແພກເກັດໄປທ່ຽວຊົມຫລວງພະບາງ: ເດີນທາງອອກຈາກນະຄອນຫລວງວຽງຈັນ: ຖ້າເດີນທາງດ້ວຍລົດທົ່ວໄປ 2ຄືນ 3ວັນ ແລະ ສາມາດເດີນທາງດ້ວຍລົດໄຟຄວາມໄວສູງ ຫລື ທາງເຄື່ອງບິນໄດ້ 1ຄືນ 2ວັນ
ສະຖານທີ່ທ່ອງທ່ຽວສຳຄັນ
- ວັດວາອາຣາມອັນເກົ່າແກ່ເຊັ່ນ: ວັດຊຽງທອງ, ທາດພູສີ...
- ທ່ຽວທໍາມະຊາດ: ຕາດກວາງຊີ, ຖໍ້າຕິ່ງ...
- ໃສ່ບາດເຂົ້າໜຽວ, ພະຣາດສະວັງຫລວງພະບາງ, ຕລາດຕອນກາງຄືນ ແລະ ຕອນເຊົ້າ ຫລວງພະບາງ…
ຈໍາປາສັກ
Photo Gallery
ວັດພູຈໍາປາສັກ
- ເປັນທີ່ອົງການ UNESCO ຮັບຮອງເອົາເປັນ ມໍລະດົກໂລກ ມີຫລັກຖານອັນໂດດເດັ່ນທາງດ້ານອະລິຍະທໍາທີ່ຈະເລີນຮຸ່ງເຮືອງໃນອາຊີອາຄະເນ, ຍັງໂດດເດັ່ນທາງດ້ານສະຖາປານິກໃນການກໍ່ສ້າງອອກແບບດ້ວຍສີມືສິນລະປະອັນຊັ້ນເລີດ
- ແພັກເກັດທ່ອງທ່ຽວ: ອອກຈາກນະຄອນຫລວງວຽງຈັນດ້ວຍລົດທົ່ວໄປ 1ຄືນ 2ວັນ ຍັງໄດ້ທ່ຽວຈຸດອື່ນໆເພີ້ມຕື່ມເຊັ່ນ: ວັດພູສະເຫລົ້າທີ່ມີພະໃຫຍ່ຢູ່ເທິງພູສູງຂອງເມືອງປາກເຊ, ນ້ຳຕົກຕາດຟານ, ຕາດເຍືອງ. ຫລື ຈະເດີນທາງດ້ວຍເຄື່ອງບິນກໍ່ໄດ້
ສະຖານທີ່ທ່ອງທ່ຽວສຳຄັນ
- ສະຖານທີ່ອັນກວ້າງຂວາງ ງົດງາມ, ຫໍປະສາດຫີນອັນໂດດເດັ່ນທາງການກໍ່ສ້າງດ້ວຍຫີນ ໃຫ້ກົມກືນກັບສະພາບທໍາມະຊາດ, ສະພາບແວດລ້ອມ ແລະ ຊຸມຊົນ.
- ທາງເດີນ ບັນໄດ ຂຶ້ນຊົມສະຖານທີ່ຕ່າງໆ ສູງເຖິງ 95ແມັດ.
- ຫີນແກະສະຫລັກພະພຸດທະຮູບ ແລະ ສິ່ງຕ່າງໆຂອງສະໄໝດັ່ງເດີມ ທີ່ໄດ້ຈັດວາງໄວ້ໃຫ້ໄດ້ຊົມ.
- ທີ່ໃຫ້ສັກກາລະບູຊາຂໍພອນອັນສັກສິດທາງສາດສະໜາຫລາຍຈຸດ.
- ເທິງພູມີບໍ່ນ້ຳອັນສັກສິດທີ່ມີນ້ຳຢູ່ຕະຫລອດລະດູການ ເຊິ່ງມີທີ່ນີ້ທີ່ດຽວ, ຜູ້ໄປທ່ຽວຊົມສາມາດໃສ່ຫົວ ຫລື ດຶ່ມກິນ ຈະເຮັດໃຫ້ມີໂຊກມີໄຊ ຕາມຄວາມເຊື່ອຖືຂອງຄົນທ້ອງຖິ່ນ.
Photo Gallery
ນໍ້າຕົກຕາດຄອນພະເພັງ ແລະ ລີ່ຜີ
- ນໍ້າຕົກຕາດຄອນພະເພັງເປັນນ້ຳຕົກແຫ່ງໜຶ່ງທີ່ໃຫຍ່ທີ່ສຸດໃນອາຊີຕາເວັນອອກສຽງໃຕ້ ແລະ ລີ່ຜີ(ຕາດສົມພະມິດ), ເກາະສີ່ພັນດອນ, ເປັນສະຖານທີ່ທ່ອງທ່ຽວຢູ່ດອນໃຫຍ່ສາມາດໄປຫາກັນໄດ້ເຊັ່ນ: ດອນເດດ-ດອນຄອນ-ລີ່ຜີ-ລົງໄປຫາງຄອນ
- ແພັກເກັດທ່ອງທ່ຽວ: ອອກຈາກນະຄອນຫລວງວຽງຈັນດ້ວຍລົດທົ່ວໄປ 2ຄືນ 3ວັນ(ຄອນພະເພັງ, ເກາະສີພັນດອນ), ແລະ ເປັນແພັກເກັດໃຫຍ່ແມ່ນ 4ຄືນ 5ມື້(ຄອນພະເພັງ, ເກາະສີພັນດອນ, ວັດພູຈຳປາສັກ, ພູສະເຫລົ້າ, ນ້ຳຕົກຕາດຟານ, ຕາດເຍືອງ ແລະ ສວນຜັກອິນຊີປາກຊ່ອງ) ຫລືຈະເດີນທາງດ້ວຍລົດເມ, ເຄື່ອງບິນກໍ່ໄດ້
ສະຖານທີ່ທ່ອງທ່ຽວສຳຄັນ
- ເມື່ອໄປທ່ຽວຊົມຈະສໍາພັດເຖິງຄວາມຍິ່ງໃຫຍ່ນຂອງມວນນໍ້າມະຫາສານຕົກລົງແກ້ງສູງ, ມີຄວາມເປັນທຳມະຊາດ, ຮ້ານອາຫານ ແລະ ທີ່ພັກເຊົາສະອາດງາມຕາ
- ມີການອານຸລັກຕົ້ນໄມ້ມະນີໂຄດອັນຫລາຍປີທີ່ຄົ້ນໂລ້ມອອກຈາກຫົວແກ້ງນໍ້າຕົກຄອນພະເພັງມາໄວ້ບໍລິເວນຕາດໃຫ້ນັກທ່ອງທ່ຽວໄດ້ຊົມ
- ເກາະສີພັນດອນ: ມີຫລາຍບ່ອນຢູ່ຕາມດອນໃຫ້ໄດ້ທ່ຽວຊົມ
- ເຫັນວິຖີຊີວິດປະຊາຊົນດໍາລົງຊີວິດຢູ່ດອນ, ເປັນທໍາມະຊາດ ງຽບສະຫງົບ
- ຕະຫລອດໄລຍະທ່ອງທຽວໃນດອນຈະມີຄວາມສະດວກຫລາຍຢ່າງຄື: ທີ່ພັກ, ຮ້ານອາຫານ, ທາງຄົນຍ່າງທ່ຽວຊົມ, ລົດຈັກ, ລົດຖີບໃຫ້ເຊົ່າເພື່ອໃຫ້ເດີນທາງເລາະທ່ອງທ່ຽວໄດ້ໃນແຕ່ລະຈຸດ ຫລື ແຕ່ລະດອນທີ່ເຊື່ອມຕໍ່ກັນ ນັກທ່ອງທ່ຽວສ່ວນຫລາຍຈະເປັນຊາວຕ່າງຊາດ.