ສຳຜັດກັບສະເໜ່ຂອງລາວໃຕ້ ເມືອງປາກເຊ ນ້ຳຕົກຄອນພະເພັງ ພູພຽງບໍລະເວນ ແລະສີ່ພັນດອນ ຈິບກາເຟລາວແທ້ ຊົມທຳມະຊາດ ແລະວິຖີຊີວິດງ່າຍໆ ທີ່ເຕັມໄປດ້ວຍຄວາມອົບອຸ່ນ. ເໝາະສຳລັບຜູ້ທີ່ຢາກພັກຜ່ອນແບບສະບາຍໆ ແຕ່ເຕັມໄປດ້ວຍສະເໜ່ຫຼາຍຮູບແບບ
📍 ສະຖານທີ່ທ່ຽວທີ່ບໍ່ຄວນພາດໃນລາວໃຕ້
1. ປາກເຊ (Pakse) – ເມືອງແຫ່ງຄວາມງ່າຍໆ ແລະກາເຟລາວຫອມກຸ່ນ
ເປັນເມືອງຫຼວງຂອງແຂວງຈຳປາສັກ ມີແມ່ນ້ຳຂອງໄຫລຜ່ານ ເໝາະສຳລັບເດີນຊົມວິວ ແລະນັ່ງຈິບກາເຟລາວຕອນເຊົ້າ.
ຍັງມີ “ວັດພູ ຈຳປາສັກ (Wat Phou Champasak)” ມໍລະດົກໂລກທີ່ເປັນທີ່ຮູ້ຈັກ ແລະເຕັມໄປດ້ວຍເລື້ອງລາວປະຫວັດສາດອັນນ່າສົນໃຈ.
2. ພູພຽງບໍລະເວນ (Bolaven Plateau) – ແຫຼ່ງກາເຟທີ່ມີຊື່ສຽງຂອງລາວ
ສຳລັບຄົນຮັກທຳມະຊາດ ອາກາດເຢັນສະບາຍຕະຫຼອດປີ ແລະເຕັມໄປດ້ວຍ ນ້ຳຕົກງາມໆ ຂອງລາວໃຕ້ ເຊັ່ນ
- ນ້ຳຕົກຕາດຟານ (Tad Fane) ນ້ຳຕົກຄູ່ທີ່ສູງກວ່າ 100 ແມັດ
- ນ້ຳຕົກຕາດຢືງ (Tad Yuang) ຈຸດຖ່າຍຮູບຍອດນິຍົມຂອງນັກທ່ອງທ່ຽວ
ແລະ ຢ່າລືມແວ່ຊິມກາເຟສົດຈາກສ່ວນທ້ອງຖິ່ນ!
3. ນ້ຳຕົກຄອນພະເພັງ (Khone Phapheng waterfall)
ເປັນຫນຶ່ງໃນ ນ້ຳຕົກທີ່ໃຫຍ່ທີ່ສຸດໃນອາຊີ, ຢູ່ໃກ້ເມືອງໂຂງ (Si Phan Don). ຄວາມຍິ່ງໃຫຍ່ຂອງສາຍນ້ຳຂອງ ແລະສຽງຂອງນ້ຳ ເປັນສິ່ງທີ່ຕ້ອງເຫັນດ້ວຍຕາຕົນເອງ.
4. ສີ່ພັນດອນ (Si Phan Don) – ດອນກາງແມ່ນ້ຳຂອງ
ແຫຼ່ງພັກຜ່ອນຍອດນິຍົມຂອງລາວໃຕ້ ມີເກາະດອນແດງ ແລະໂດນຄຳ ເຫມາະສຳລັບນັ່ງຊິວຊິວຮິມແມ່ນ້ຳຂອງ ເບິ່ງພຣະອາທິດຕົກ ແລະໃນບາງລະດູຍັງສາມາດເຫັນ ໂລມານ້ຳຈືດ(ປ່າຄ່າ) ໄດ້ອີກດ້ວຍ!
🍲 ອາຫານແລະກາເຟລາວໃຕ້ທີ່ບໍ່ຄວນພາດ
- ຕຳໝາກຫຸ່ງ ແຊບສະໄຕລ໌ລາວ
- ລາບປານ້ຳຂອງ ສົດໆ ຈາກແມ່ນ້ຳ
- ເຂົ້າໜຽວກັບໄກ່ປີ້ງ ກິນງ່າຍໆແຕ່ອົບອຸ່ນ
- ກາເຟບໍລະເວນ ຫອມແລະເຂັ້ມ
💬 ສິ່ງທີ່ໄດ້ຮັບໃນການທ່ຽວລາວໃຕ້
ແມ່ນ “ຄວາມສົງບົບ ແລະຄວາມເປັນທຳມະຊາດ” ຂອງທີ່ນີ້ ແລະວິຖີຊີວິດງ່າຍໆ. ທຸກຢ່າງຍັງຮັກສາຄວາມເປັນດັ້ງເດີມ ຜູ້ຄົນໃຈດີ ແລະພ້ອມຕ້ອນຮັບນັກທ່ອງທ່ຽວດ້ວຍຄວາມອົບອຸ່ນ.
